बिस्तारै म फकाउँला मनमनै हाँस्दै रिसाऊ तिमी ।
चोखो प्रेम छँदैछ भित्र मनमा, घुर्की मिसाऊ तिमी ।।
चर्को बोल कुरै नखोल कहिले भाँडा बजारीकन ।
"कालीको अवतारमा प्रिय रती" प्रेमास्त्रले शोभन ।।
*****
घुम्तीबाट पछाडि हेर्छु जहिल्यै बाटो कमै लाग्दछ ।
त्यैँ यात्रा मझदारबाट अघिको चट्टान झैँ लाग्दछ ।।
मेरो युद्ध अनन्त मैसँग न हो - बन्नू तिमी सारथी ।
भावावेश हुँदैन जीवन सधै निष्कर्ष हुन्छन् कति ।।
*****
मेरा स्नायु भरेर प्रेम रसले रित्याउनू त्रास त्यो ।
भै दृष्टान्त बुझाउनू जगतमा यो प्रेम यैँ भक्ति हो ।।
केही चुल्बुल चाहना हृदयका अव्यक्त राखे पनि ।
क्यै भावार्थ बुझी निदान त्यसको ~ पूरा गरौंला म नि ।।
*****
(शार्दूलवीक्रीडित छन्द क्रमश...)
No comments:
Post a Comment