🕉️ जाग्रत् स्वप्न सुषुप्तिषु…
कहिले हाँस्ने कहिले रुने, कहिले गाला छुने । २
तिम्रो दर्शन बिना राधा, कृष्ण एक्लै हुने ।२
पर्ख न पर्ख राधिका,
सँगै जाउँला पारी, पर्ख न पर्ख राधिका…
स्निग्ध वदन प्रेमिल दृष्टि, आँखीभुइँ छन् ठूला ।२
तुलसीको बास्ना राम्रो, पछ्यौरीको झुला ।२
पर्ख न पर्ख राधिका,
सँगै जाउँला पारी, पर्ख न पर्ख राधिका…
केलीकुञ्ज वृन्दावनमा आउने कर गरेर ।२
कहिले वर्षा कहिले हिउँद यमुना तरेर ।२
पर्ख न पर्ख राधिका,
सँगै जाउँला पारी, पर्ख न पर्ख राधिका…
लुकाछिपी खेल्दै पुग्छ्यौ यमुनाको पारी ।२।
गोरो मुहार सुहाउने नीलो रङ्को सारी ।२।
पर्ख न पर्ख राधिका,
सँगै जाउँला पारी, पर्ख न पर्ख राधिका…
ललिता छिन् - विशाखा छिन्, इन्दुलेखा चित्रा ।२
चक्पकलता - रङ्गदेवी, सुदेवी मनभित्र ।२
तुङ्गविद्या सहित तिम्रा अष्टसखी प्यारी ।२
एक नजरमै मुग्ध हुने छन् बाँकेविहारी ।२।
पर्ख न पर्ख राधिका,
सँगै जाउँला पारी, पर्ख न पर्ख राधिका…
राधा-रम्या-रासेश्वरी, वृषभानुसुता ।२
तिम्रै पाउले पवित्र छन् वृन्दावनका बुटा ।२
पर्ख न पर्ख राधिका,
सँगै जाउँला पारी, पर्ख न पर्ख राधिका…
२०८२ माघ, हर्मन हिमालय
No comments:
Post a Comment