प्रश्न

            (छन्द : शार्दूलवीक्रीडित)

कैयौंको बलिदान भो मुलुकमा नेपाल बन्ला भनी
उस्तै छन् मति सुध्रिएन दलमा संख्या र कुर्सी गनी ।
आशा भाषणमा दिएर नजुटी त्यो पूर्ण होला कहाँ
यस्तै हो कि बताउ ए प्रिय सखे नेपाल साँच्चै नयाँ ??

सारा देश रुँदै अभाव दुखमा भोको र विक्षिप्त भै
सीमाना पनि स्वस्थ छैन धरणी खुम्चीरहेकी सधै ।
राजा मात्र हटे हजार अझ छन् उस्तै रजौटा यहाँ
सामन्ती मतियारको छ अखडा नेपाल यो के नयाँ ??

बाढी या असिना, प्रकम्प पहिरो व्याधी विपत्ति हुँदा,
लुट्दैछन् किन राज्यकोष यसरी संसार सारा रुँदा ।
खाडीमा अलपत्र छन् कतिजना संघर्षका नाममा 
टुङ्गो छैन युवा पलायन नभै नेपाल यो के नयाँ ??

हत्या दैनिक हुन्छ मध्य दिनमै चोरी बलात्कार छन्
भोका यी निमुखा र निर्धन कठै गिर्दो अवस्था छ झन् ।
बाँझो खेत रह्यो भने लहलिदै खाद्यान्न फल्ला यहाँ ?
हामी ऐजरु झैं पराश्रृत बन्यौँ, नेपाल यो के नयाँ ??

कौवाको फुलबाट कोकिल कहीँ सप्रेर जन्मन्छ र
भ्रष्टाचार यसैगरी बढिरहे यो देश सप्रन्छ र ?
ज्यादा छन् अपराध रातदिनमा अन्याय उस्तै जहाँ
नेताले ढुकुटी सकाउँछ उसै नेपाल यो के नयाँ ??

कोही शासक छैन किन्तु अहिले सर्कार आफै पनि
सत्तालिप्त लिसो बनेर दुखमा लुट्दैछ लुट्दैछ नि ?
सुख्खा खेत मधेसमा फुटिसके जल्श्रोतका छौ धनी
माऊ स्याल परे भने त डमरु के बाघ बन्छन् त नि ??

फेँदैबाट उखेल्न भ्रष्ट लहरा संस्कार टुक्राउन
कोरोना अब जा विषाक्त बिरुवा ऐजेरु ती खुर्कन ।
को देला किन देश रुन्छ यसरी यो प्रश्नको उत्तर
खिर्‍राको रुखबाट काफल अहा चाहेर के फल्छ र ??


कलङ्की , काठमण्डौ ~ २०६६

लकडाउन

लकडाउन खुलेकै दिन मोबाइलमा आउनेछ , 

फोनको घन्टी,

नयाँ सम्बन्ध बन्दै गरेकाहरुको डेटिङ जाने प्लान बन्छ ,

हाम्रो पनि साथीभाई भेट्ने प्लान बन्छ ।

साच्चै...

कस्तो भयो होला है हाम्ले खाजा खाने गरेको त्यो बर्गर हाउस 

र,

कस्तो भए होला त्यो कट्टी रोल, 

चटपटे तथा पानीपुरी पसल, 

अनि कता गए होलान् चोकको चोपिलो चटपटेवाला खड्का जी ? 

त्यो भेज मम पसल अनि  

नयाँ पोखरीको मुखैमा झुन्डिएको 

चाट पसलकि चस्मिस साउनी 

चारजना अल्लारे च्वाँक केटी वेट्रेस राखेर

सधैं मिठो मम ख्वाउथिन् ।

खानेहरुले खाइरहेका हुन्थे त कोहि मोबाइल चलाईरहेका, 

कोही सरकार ढाल्ने र सत्ता परिवर्तन गर्नेदेखि 

युरोप र अमेरिकाका नवीनतम् प्रविधि सम्मका 

कुरा गर्नेहरु पनि । 

कस्तो भयो होला..

चक्रपथको वारपार गर्ने त्यो जेब्राक्रसिङ ?

कति कलेज स्टुडेन्टका क्रसहरु भेटिदा हुन् 

अनि 

कतिका साथिभाइ र आफन्त नै, 

के त्यो रिङरोड 

हाम्रो आगमनको प्रतीक्षामा पर्खीरहेको होला ?

साँच्चै अहिले खाली होला नि है "नेपाल यातायातको" पुरानो बस ?

कहाँ पुगे होलान् साझा यातायात अनि नगर बसहरु !

राम्रो ड्रेस लगाएर स्कुल जाने उमेरमा 

सल्लाघारी - ठिमी- कोटेश्वर -बानेश्वर - सुन्धारा -रत्नपार्क…

ठमेल - सोह्रखुट्टे - बसुन्धरा - नयाँबसपार्क भन्दै यात्रु बोलाउने  ती कलिला ओठले आजकल के भन्छन् होला ? 

कस्तो भयो होला 

हामीले अभ्यास गर्ने खेल मैदान 

अनि भुइचालोले भत्किएको त्यो मिनी स्टेडियम !

बिचरा… तिनकुनेको रोड

कौशलटारदेखि कोटेश्वर सम्म पट्यार लाग्दो 

जामको लाइनमा बस्ने सवारी साधनका मानिसहरु अनि 

अचम्म मान्दै होला अहिले, 

"हैन यी मानिसहरु कता गए ? 

मदेखि वाक्क भएर 

अर्कै बाटो रोजे कि क्या हो ?"

जसरी एउटा स्वार्थ पूरा भएपछि मान्छेले अर्को साथ रोज्छ ? 

उसै गरी अन्तै त गएनन्……!

वर्षौंपछि 

आफ्नो धुलाम्य अनुहार धोएको 

काठमाडौको आकाशले के सोचिरहेको होला ?

"आपविपत र खुशीमा मलाई सम्झने भक्तजनहरु कता गए ?" 

भन्ने प्रश्नचिह्नले कति पिर गर्दै होलान् हाम्रा पशुपतिनाथ ।

चोभार र कीर्तिपुरका ती डेटिङ स्पटहरु 

के सोच्दै होलान् ?

"कता गए युगल जोडिहरु ? जो हरेक साझ यहाँ आएर यौवनका क्षणिक मदहोशीमा सँगै जिउने र सँगै मर्ने झुटा कसम खान्थे…"

के सोच्दै होला..

गल्ली भित्रको लिक्वर पसले दाइ !

हरेक दिन यावत् पीडाहरु भुलाउन, 

यहाँ आउने त्यो अङ्ग्रेजी बोल्ने दाइ 

आजकल कता गए होला ?

लकडाउन त केही समयको लागि न हो,

यी सबैकुराहरु पुनः दोहोरिदै जानेछन्,

फेरि साथीभाइ भेटिनेछन् ।

फेरि पनि जिब्रो पट्काएर मम खान पाइने छ,

फेरि मीठो बर्गर खान पाइने छ ।

आफ्नी प्रेमिकालाई बाइकको पछाडी राख्ने अल्लारे केटाहरु चोकहरुमा जाम खुल्नासाथ साठीको स्पिड नघाउने छन्  ।

फेरि उसै गरी टिप्परहरु..

मुटु नै थर्काउने गरि दौडिने छन्,

फेरि पनि नेपाल यातायातको गल्लीमा 

खुट्टा टेक्ने ठाउँसम्म हुने छैन,

काठमाडौको आकाश धमिलिने छ,

छिटै जडिबुटीको फराकिलो सडक पनि

भार बोक्न नसक्ने गरी लत्रने छ,

फेरि मन्दिरमा घन्टी बज्ने छ,

अनि ट्राफिक दाइहरु सिठ्ठी फुक्दै 

जाम खुलाउन व्यस्त हुनेछन्  ।।

फेरि.. पुरानै

१०-५ को ड्युटी दोहोरिने छ,

पहिले झैं  

हरेक दिन, हरेक बार अनि गतेहरु 

याद हुने छन् ।

फेरि वातावरण कैद अनि 

मानिसहरु स्वतन्त्र हुनेछन् ! 

अनि चल्नेछ उसैगरी 

तेरो-मेरो भन्ने लुछाचुडी भावना…

फेरि चल्नेछ चाकडी, नोकरी, बिजनेस र 

जागिरमा अडिएको 

अनवरत मानवीय जीजीविषा अनन्त कालसम्म ।।।

[साथी दिपेन्द्र ढकालको संस्मरणात्मक भावनाबाट बनेको कविता, यो कविताको सबै फोटोमा दिपेन्द्र ढकाल र म ]

मिति : २०७७/०१/२२ 

राँझा, नेपालगन्ज - बाँके 

Bottle and the Hostel Girl

Bottle and the Hostel Girl

Addiction of tongue, addiction of eyes,

One who cant stop him, though he tries.

That causes his ruin that causes his fall,

Obviously bottle and the hostel girl.

Both have no fear : out of control,

Both exact the same seductive hole.

That fascinates men and makes them doll,

Obviously bottle and the hostel girl.

Seldom on head, mostly on feet,

Disgust, hatred and backbite a bit.

That makes ones life like a football,

Obviously bottle and the Hostel Girl.

Giggle of lion and tear of crocodile,

Comparing her love longer than the Nile.

Wine is poison, her eyes as fake pearl,

Obviously bottle and the hostel girl.

Bitter but sweet and sweet but bitter

Always out of touch but within a meter.

That sets forgetting own & forgetting all,

Obviously bottle and the hostel girl.

Former decays the soul, later breaks the heart,

Both seem elegant, but inside, full of dirt.

That causes ones ruin & causes ones fall,

Obviously bottle and the hostel girl.

Kalanki, Kathmandu,  1st Jan, 2010

अनुभुति शहरमा

( छन्द : शिखरिणी)

भुली प्यारो माटो शहर बिचमै अल्मल परेँ,

सधै खोक्रो आडम्बर रिस र पापी मन गरेँ !!

उछिन्ने धन्धामा झन - झन पछाडी परिरहेँ,

सके खुट्टा तान्ने प्रवृतिहरुमा चै अघि भएँ !!

जता हेर्‍यो पैसा नजर नजिकै नाच्दछ सधै,

समात्ने चाहाले हृदयहिन हुँदैछु म अझै !

म फोहोरी खाल्डो छिचलन नसक्ने अब भएँ

अरे आफ्ना छाडी परपर म एक्लै हुन गएँ !!

हरे बिग्र्यो भन्दै दुख पिर र चिन्ता लिई कठै,

म जन्मेको माटो हरदिन सराप्दै छ कि कतै !!

सबै बिर्सेँ संस्कार चलन थिए कर्म कुलका,

पिछा गर्दै हिंड्दा विकृत विष विभ्रान्त हुलका !!

अध्यारोमा बज्रेँ शहर झलमल्लै त छ तर ,

न सन्तुष्टी पाएँ अनुभव कहाँ सुन्दर छ र !!

म बाटो बिर्सेको पथिकसरि दिग्भ्रमित भएँ ,

निकै टाढा लम्क्यो समय म सधै अन्तिम रहेँ !!

मलाई त्यो गाउँ  रुख चउर पाखा वनहरु,

सधै सम्झिदा हुन् वरपर चिनेका जनहरु !!

कसो गर्ने निद्रा पनि सहज लाग्दैन किन हो ,

म तड्पेको तड्प्यै हरपल खुशी भो शहर यो !!

टि. यु. जङ्गल, किर्तिपुर २०६७

अस्तित्व

(स्रग्धरा छन्द)

डोको नाम्लो हलोमै तरुणवय गयो जिन्दगी आजसम्म

डाँडाँपाखा उकाली वनचउर सधैं लेकबेशी छ टम्म ।।

चिर्दै पुर्दै छ धर्ती दशथरि लहरा बिज्छ काँडा चिसिक्क

कर्मै खोटी छ भन्दै धुरुधुरु निमुखो रुन्छ हाँस्छ फिसिक्क ।। १ ।।

कैले हावा र हूरी गढबढ असिना ठीक्क पर्दैन पानी

अन्यायी बन्छ द्यौता गरीब र श्रमको ख्याल केही नमानी ।।

पुछ्दापुछ्दै बगेका खलखल पसिना झन् बढी बढ्छ सास

अर्काको खेतबारी मजदुर विचरा माटोमै हुन्छ बास ।। २ ।।

भुण्टे रोगी चमेली पनि परिछ थला, छैन कौडी फुटेको 

अर्काको खेत जोती कति बसुँ यसरी खान बस्नै पुगे पो ।।

चर्को आदेश आयो हुकुम यति कडा साहु आएर सस्तो

यस्तो पीडा र चिन्ता दु:ख मनभरिको उफ् छ यो भाग्य कस्तो ।। ३ ।।

कस्तो अस्तित्व हो के पलपल नमरी ज्युनु जीवन हैन ?

हेर्दै ऐजेरु जस्तो भर कति नभई सासमा प्राण छैन ।।

यस्तो अस्तित्व देख्दा मजदुर भरीया सर्वहारा सबैको

को फेर्ला शक्तिसत्ता मुलुक बुझिलिए हैन पेवा कसैको ।। ४।।

 

काठमाण्डौ , २०६५

Gazal

You know my wounded heart how to cure.
And you are the medicine I'm sure.
Although I find beautiful faces here,
I need you always cause they aren't pure.

Love is not short lived, though we are,
So true lovers have lifelong tenure.
I lost everything when we departed,
Even in dreams everyday you lure.
You deserve all the things I want,
Wise Beautiful Honest and Demure.



2070-05-15, Sindhuli

GAZAL

Embracing full-moon night startles me.

Vivid and effulgent light startles me.

"Promoting peace and harmony" they said,

Practically blood and fight startles me.

Public as almighty : So called New Nepal,

Everywhere "seized our rights" startles me.

Feudals are in power, in a form or other !

Forswearing high levels' sight startles me.

"All are equal legally" so sweet to say.

But leaders' absolute might startles me.

अनुदित कविता

Tonight I can write the saddest lines.

Write, for example, 

'The night is starry and 

the stars are blue and shiver in the distance.'

The night wind revolves in the sky and sings.

Tonight I can write the saddest lines.

I loved her, and sometimes she loved me too.

Through nights like this one I held her in my arms.

I kissed her again and again under the endless sky.

She loved me, sometimes I loved her too.

How could one not have loved her great still eyes.

Tonight I can write the saddest lines.

To think that I do not have her. To feel that I have lost her.

To hear the immense night, still more immense without her.

And the verse falls to the soul like dew to the pasture.

What does it matter that my love could not keep her.

The night is starry and she is not with me.

This is all. In the distance someone is singing. In the distance.

My soul is not satisfied that it has lost her.

My sight tries to find her as though to bring her closer.

My heart looks for her, and she is not with me.

The same night whitening the same trees.

We, of that time, are no longer the same.

I no longer love her, that's certain, but how I loved her.

My voice tried to find the wind to touch her hearing.

Another's. She will be another's. As she was before my kisses.

Her voice, her bright body. Her infinite eyes.

I no longer love her, that's certain, but maybe I love her.

Love is so short, forgetting is so long.....

…………………………………………………………………………

………………………………………………………………………

यो साँझ म केही हृदयविदारक हरफहरु लेख्न सक्छु,

जस्तो कि 

चकमन्न रातमा दूर नील आकाशका 

नीला ताराहरु चल्मलाइरहेका छन् ।

रात्रीकालीन सिर्सिरे बतास आफ्नै गुञ्जनभित्रै 

सुस्ताइरहेको छ ,

यो साँझ म मन छुने हरफहरु लेख्न सक्छु, 

जस्तो कि 

मैले उनलाई चोखो प्रेम गरेँ 

र उनलेे पनि सायद गरिन् कुनै बेला ।

यस्तै रातहरुमध्ये एकरात 

असीमित खुला आकाशमुनि 

मैले उनलाई अंगालोमा टाँसेर 

लगातार चुम्बन गरिरहेँ... गरिरहेँ.....

उनले मलाई निर्धक्क माया गरिन्, 

मैले पनि झन् बढी,

उनका रिठ्ठा जस्ता लजालु नयनलाई 

कसैले पनि प्रेम नगरोस्, 

यो कसरी सम्भव थियो ?

त्यसैले उनी बिनाको अधुरो म 

यो साँझ मन छुने केही 

दुखान्त हरफहरु लेख्न सक्छु, 

म महशुस गर्नसक्छु तर व्यक्त गर्न सक्दिन 

उनलाई गुमाएको बिचरा म....

यो सन्नाटामय चिसो लामो रात 

उनीबिना झन् लम्बेतान बन्छ, 

मानौ एकनासले मेरो स्पन्दनमा 

कविताको झन्कार सुनिन्छ 

दुबोमाथि शीत टप्किए जस्तो ।

के फरक पर्ला र ! 

जब मेरो मायाले उनलाई साथ राख्न सकिन, 

रातसंग त ताराहरु छन् तर उनी छैनन् मसंग । 

यत्ति हो कि, दूर नेपथ्यमा 

कोही गुन्गुनाइरहेछ दूर नेपथ्यमा 

यद्यपि,

पटक्कै मान्दैन यो मन गुमाएँ उनीलाई ।

यी आँखाहरुले उनलाई हर्पल 

समीपमा खोज्छन्, 

मनै त हो चाहन्छ उनैलाई जो छैनन् निकटमा ।

यो रात उस्तै छ,

साक्षी छन् ती स्वेतवृक्षहरु, 

तथापि 

उस्तै रहेनौँ हामी यो पृथक कालखण्डमा ।

निसन्देह, 

उनलाई किमार्थ माया गर्दिन म 

र पनि सधै माया गरिरहन्छु.. 

किनकि, क्षणिक प्रेमको बिर्साइ अनन्त जो छ ।

……………………………………………………

Some Common Business Questions :

Post : Marketing Officer

Time: 1 hr


A: Underline the best answer for the followings questions:


1. Which of the following central to any definition of marketing?

a. Demand management b. Customer relationships

c. Making a Sale d. Making a profit


2. What sort of analysis should know company for betterment?

a. Threat Analysis b. SWOT & PESTLE Analysis

c. Opportunity Analysis d. Strength Analysis


3. What color is your brain?

a. Blue b. None

c. White d. Red


4. How do you solve your misunderstanding with your co-staffs?

a. Through tantrums b. Try to sort out

c. Tell your boss d. Ignore


5. What criteria should we go by looking for a job of Value?

a. Beauty b. Position

c. Benefit d. Good


6. What are the things we should have within us to show that he/she is fit for the

job?

a. Attitude b. Specialist Skills

c. Egoistic d. Flexibility


7. What is the most vital thing that we need to get success at work?

a. Wisdom b. Selfish

c. Attitude d. Egoistic


8. What kind of people you want to be in the World/ Society?

a. Those you want to have around b. Those whose presence causes problems

c. those who presence or absence doesn’t make a difference d. others appreciate having around you.


9. What are the things that will lead you get a job in a Company?

a. Grades b. Social Status

c. Inner potential d. Physical appearance


10. Where do you find happiness?

a. At work b. Within us

c. At home d. At materialistic things


11. What kind of work you prefer to do?

a. Easy b. Challenging

c. don’t want to work d. where there is money


12. How do you pass your spare time at office?

a. Gossiping with your co-staff b. going to the unnecessary website

c. Studying the competitors c. making innovative and effective marketing strategy


13. What do you see in the Company?

a. Size b. Brand

c. Opportunities d. Co-staffs


14. The work of an international marketer is mainly concerned with:

a. Establishing global brands b. Translating product instructions and advertising
 message
c. Adapting a marketing mix to enter a market in another country

d. Transferring a marketing mix to enter a market in another country


15. What is the key controllable factor in global marketing?

a. Marketing activities and plans b. social and technical changes

c. government policy and legislation d. all of the above


16. With the globalization of markets the tastes and preferences of consumers

 worldwide are:

a. Being encouraged by multinational organization to become increasingly

b. Becoming similar to the tastes and preferences of American consumers

c. Converging upon a global norm

d. So different that they can be ignored by international

B: Answer the following Questions:

1. What is your philosophy towards work?

2. How long would you expect to work for us if hired?

3. What is your greatest strength?

4. What is more important to you: the money or the work?

5. What motivates you to do your best on the job?

6. How do you propose to compensate for your lack of experience?

7. What qualities do you look for in a boss?

8. Are you ready for traveling anywhere?

9. Can you suggest the 4 suitable names for our new project at Old Baneshwor?

10. Why do you want to enter in Marketing?

11. How much knowledge do you have in Housing Project?

12. If you are selected how will you prove that will be assets to our Company?

13. How would you evaluate your ability to deal with conflict?

14. Tell me about the salary range you are seeking?

15. What two or three things are most important in your job?

16. How would you describe your leadership skills?

17. How will you prove become liked and trusted at work?

18. What is the shortest definition of Marketing?

19. What type of people do you work with most effectively?

20. What is your dream job?

21. What things impress you in colleagues?

22. What experience do you have in this field?

Questions adolted by:-

(Sabin)

आमा

छन्द : शिखरिणी + शार्दूलवीक्रीडित 

शयौँ पीडा झेल्दै हरतरहका ती दुख गरी

सही थुप्रै बाधा नवजुनि दिलाई तनभरि ।

जली आफू प्यारो शिशुकन बचाई पिरतीले

सधै पूज्या देवी अतिशय महत्ता मन हुने ।१।

छ आमाको गाथा न त कथनले सक्छु म रति

"कुपुत्रो जायेत क्वचिदपि कुमाता नभवति ।"

नपुग्ने भो कापी अनि कलमले वर्णन गरी

कतै छैनन् आमासरि सुख दिने यो जगभरि ।२।

सबै धर्ती हेरेँ वरपर म संसार भरमा

न आमा जत्तिको सहन सकने क्वै छ जगमा ।

नसाटेरै मिल्ने न अरुहरुको स्थान पुगने

अहा आमा शब्दै सुमधुर छ मीठो रस हुने ।३।

सबैभन्दा प्यारो जगत भरमा हुन्छ जननी

बिना आमा काहीँ पनि जगतमा सृष्टि नहुनी ।

मनै हो आमाको करुणरस जैले भरि हुने

सदा चिन्ता प्यारा शिशुहरु बनून् मा अडिदिने ।४।

आमाको ममता अपार सहसा पाइन्न काहीँ पनि

आमाको महिमा छ उच्च यशसा सर्वोच्चतामा अनि ।

आमाको तुलना कदापि अरु झै बन्दैन बह्माण्डमा

आमा ढोग हसाउ चित्त उनको ~ यात्रा सबै धाममा ।५।

जन्माई नवचेतना भरिदिने कस्तो छ है सिर्जना

आफ्नै प्राण भरेर सन्तति सबै हुर्काउने चाहना ।

हो मातृत्व महान विश्वभरमा वात्सल्यता सुन्दर

आमा धन्य विशाल उच्च रचना यो सृष्टि झैं के छ र ।६।

आमा बन्नु छ कष्ट ती प्रशवका पीडा कयौँ बिर्सिई

आफ्नो रोदन बिर्सदै नवपिढी सन्तान चिन्ता लिई ।

मायामा समता सबैमा ममता सन्तानका खातिर

पीडा प्यास र रोग भोक नभनी सन्तानकै हो पिर ।७।

यो नारीत्व अपूर्ण हुन्छ यसमा मातृत्व छैनन् भने

नारीको सुखसार भन्नु सब यैँ मातृत्वमा हुन्छ रे ।

आमाको हर देन हो भुवनकै उत्कृष्ट यो जिन्दगी

बिग्रेमा मन बिर्सिएर म कतै पुत्रत्व जाने छ कि ? ८?

लेखी लेख्न सकिन्न गानगुण यी आमा र मातृत्वका

हाम्रो जीवनका प्रगाढ रस यी सन्तोष आनन्दका ।

चिन्ता छन् मनमा खुशी तर सदा देखिन्न चिन्ता अनि

यो सन्तोष समान छैन अरु क्यै ब्रह्माण्ड भर्मा पनि । ९।

मात्री स्नेह समान शुद्ध रस यो पाइन्न धर्तीभरि 

ठूलो त्याग निस्वार्थ भाव शिशुका संताप सारा हरी ।

चिन्ता केवल सन्तती अघि बढून् बैरी सबै नष्ट भै

बाटोमा पदठेस सुन्नु नपरोस् सर्वोन्नती होस् सधै ।१०।

आमा काख समान आशन सुनै गद्दी कहाँ पो छ र

आमा गास कपास बास शिशुको सम्पूर्णताको घर ।

खानी हो ममता र स्नेहहरुको निस्वार्थ सर्वोपरी

आमाका गुण यी सकिन्न कहिलै लेखेर वर्णन् गरी । ११।

२०६५-११-१८ कलंकी काठमाण्डौ