मुक्तक

जीवन भरी मिठो माया तिमीलाई प्यार मेरो ।
तिमीसंगै सजाउँछु अब घरबार मेरो ।।

जिन्दगीमा सधैभरि साथ तिम्रो पाएँ भने ।
संसार जित्न सक्छु मैले हुनेछैन हार मेरो ।।

आशा छ ज़िन्दगीका हर मोडमा साथ दिन्छौ,
तिम्रै हातमा थमाइदिएँ सुनौलो संसार मेरो।।

२०७४ जेठ

मुक्तक

दुई मुक्तक

बाटो उही उल्टो पाइ सुझ्दासुझ्दै दिन बित्यो ।  

भेट हुँदा आँखाहरु जुद्धाजुद्धै दिन बित्यो ।

मन्को कुरा तिमीलाई भनुभने पनि यदी,

प्रतिकृया कस्तो होला बुझ्दाबुझ्दै दिन बित्यो ।

छाता पनि बिर्सिएर निस्किएछु हतारमा,

तिमी आउने प्रतिक्षामा रुझ्दारुझ्दै दिन बित्यो ।।

के देखेर लोभिएँ खै तिम्रो अधरमा ।

तिमी छौ र बसेको छु म यो शहरमा ।

गाण्डिवको तिरजस्तै अचुक अभेद्द्य,

लाग्छ मीठो प्रेमप्याला तिम्रो नजरमा ।

ब्यस्त थियो मोबाइल धेरै बेरसम्म,

तड्पिरहेँ त्यतिन्जेल तिम्रै खबरमा ।।

२०७० - ३ - १८  हाँडिगाउ काठमाण्डौ

मुक्तक

मुक्तक

सधै शुन्यता भो हरे जिन्दगी यो ।

छि छी लाश भन्छन् मरे जिन्दगी यो ।।

यहाँ बाँच्नुको मात्र चिन्ता सबैमा,

समाधान गाह्रो छ रे जिन्दगी यो ।।

कतै घाम जस्तै कतै रात जस्तै,

बिचल्ली हुने रात् परे जिन्दगी यो ।।

मुक्तक

तराई झरी धाक दिन्छौ हिमशैल टाकुराको ।

जरा काटी वशन्तमा आश गर्छौ आँकुराको ।।

मात्रीभूमि टुक्राउन भाइसंग युद्ध गरी ,

जित भयो वाह भन्छौ बीरपुर्खा पाखुराको ।।

जन्मभूमि माटोलाई छताछुल्ल बनाउन ,            

कमी छैन मरि मेट्ने स्वार्थी दुष्ट माकुराको ।।

मुक्तक

मुक्तक

हावासङ्गै उडिजाने भुवा जस्तै जिन्दगानि !

तान्यो खोक्यो चुरोटको धुवा जस्तै जिन्दगानि !!

उजाड उराठ मरुभुमि बन्न  मात्रै नसकेको,

पानी सुक्दा  अर्थहीन कुवा जस्तै जिन्दगानि !!

हार जित दाउ अनि घात  अन्तर्घात सधै ,

तिम्ले जिते मैले हार्ने जुवा जस्तै जिन्दगानि !!

२०६८ - ०९ -०४ बालकुमारी ललितपुर

हाइकु

हाइकु

चेहेरा चिल्लो, 

आँखाभरी गाजल , 

मनमा स्वार्थ !! 

पेटमा हावा , 

सुस्केराको सुइय्य, 

ज्यामीको दिन !!

ठिटाका आँखा,

बाउ आमालाई चिन्ता,

हुर्केका छोरी !!

बुझ्न चाहन्छौ?

रोएर एकचोटि , 

आँशु के हो !!

अध्यारो द्रिष्टि , 

अन्धकार संसार , 

उदास मन !!

मुक्तक

मुक्तक 

तिम्ले भन्यौ हाँसिदिएँ पिरब्यथा लुकाएर !

साँवा ब्याज जिन्दगिको मुल्य सारा चुकाएर !

आजसम्म चलिराको जिवनलाई फर्की हेरेँ,

दुईदिने जवानीका  झन्टाबाधा  फुकाएर !

फूल जस्तै जिन्दगिको इच्छासारा टुटाइदियौ ,

ए उटा ठूलो जाल रची आजसम्म ढुकाएर !

बलेटक्सार गुल्मी, २०६३-०६-०९