गजल

गजल

राम्री लाग्यो काली हैन काली जस्तै थिई ।
कता कता पूजा गर्ने थाली जस्तै थिई ।।

नुहाएर बार्दलीमा लामो केश फिजाउँदा,
क्षितिजमा प्रभातको लाली जस्तै थिई ।।

मन्द मन्द बोलीसंग सुहाएको हाँसो सारै,
हाँस्दा लाग्थ्यो गडगडाहट ताली जस्तै थिई ।।

हेराहेर भइरह्यो लजाउँदै बारम्बार,
निस्चल आँखा, चोखो मन खाली जस्तै थिई ।।

उस्तै हुन् केटी सबै के विशेष थियो भने,
पुष्पगुच्छा भरिएको डाली जस्तै थिई ।।

२०७३ वैशाख २६, हुटु