हावा सिर्सिर मन्दमन्द गतिले मस्ती भरोस् प्रेममा ।।
छैनन् स्वार्थ घमण्ड द्वेष मनकी प्यारी सँगै छिन् अब ।
साँच्चै प्रेमिल बन्छ मौसम अहा हेरेर हाँस्छ्यौ जब ।।
फूलेका नवमञ्जरी कुसुममा संवेग भै आउने।
बन्छन् भैरव-भैरवी प्रणयका संकोच बिर्साउने ।।
चढ्दा यौवन पत्र नालहरुमा आधार खोज्छिन् लता ।
मायाले वन-वाटिका बनिदिने प्रेमी खुशी छन् जता ।।
फक्रेको नवपालुवा भ्रमरले चुम्दै गरेको पल ।
हाँस्दै प्रेम भरेर पुष्पतरुले फैलाउँछिन् आँचल ।।
यो माया कसिलो र बैँस रसिलो आयो गयो तड्पिन ?
साँची राख्न सकिन्छ झैं जतनले हेरेर हाँस्छ्यौ किन ।।
तिम्रा पाउजु झन्किए हृदयको झङ्कार मेरै लिई ।
तिम्रा गाजलु नेत्रबाट सपना देखेँ स्वयं बिर्सिई ।।
पछ्याई मन दौडियो अघि तिमी छायाँ म रातोदिन ।
चौबाटो सरि अल्मले नजरले हेरेर हाँस्छौ किन ।।
तिम्रा गाजलु नेत्रबाट सपना देखेँ स्वयं बिर्सिई ।।
पछ्याई मन दौडियो अघि तिमी छायाँ म रातोदिन ।
चौबाटो सरि अल्मले नजरले हेरेर हाँस्छौ किन ।।
तिम्रा हात समाउदै अघि बढूँ गन्तव्य यौटै गरी ।
थुम्का लेक सँगै चढेर कहिले मैदान बेशी झरी ।।
त्यैं काली तटमा रमेर गहिरो माया दिऊँ झाँगिन ।
आँखा जुध्न नपाउँदै पर बसी हेरेर हाँस्छौ किन ।।
छन्द :- "शार्दूलवीक्रीडित"
रारा ताल मुगु- २०७३ मंशिर
