अनुभुति शहरमा

( छन्द : शिखरिणी)

भुली प्यारो माटो शहर बिचमा अल्मल परेँ,

सधै खोक्रो आडम्बर रिस र पापी मन गरेँ !!

उछिन्ने धन्धामा झन - झन पछाडी परिरहेँ,

सके खुट्टा तान्ने प्रवृतिहरुमा चै अघि भएँ !!

जता हेर्‍यो पैसा नजर नजिकै नाच्दछ सधै,

समात्ने चाहाले हृदयहिन हुँदैछु म अझै !

म फोहोरी खाल्डो छिचलन नसक्ने अब भएँ

सबै आफ्ना छाडी परपर म एक्लै हुन गएँ !!

हरे बिग्र्यो भन्दै दुख पिर र चिन्ता लिई कठै,

म जन्मेको माटो हरदिन सराप्दै छ कि कतै !!

सबै बिर्सेँ संस्कार चलन थिए कर्म कुलका,

पिछा गर्दै हिंड्दा विकृत विष विभ्रान्त हुलका !!

अध्यारोमा बज्रेँ शहर झलमल्लै त छ तर ,

न सन्तुष्टी पाएँ अनुभव कहाँ सुन्दर छ र !!

म बाटो बिर्सेको पथिकसरि दिग्भ्रमित भएँ ,

निकै टाढा लम्क्यो समय म सधै अन्तिम रहेँ !!

मलाई ती बस्ती रुख चउर पाखा वनहरु,

सधै सम्झिदा हुन् वरपर चिनेका जनहरु !!

कसो गर्ने निद्रा पनि सहज लाग्दैन किन हो ,

म तड्पेको तड्प्यै हरपल खुशी भो शहर यो !!

टि. यु. जङ्गल, किर्तिपुर २०६७

आफ्नै टाइमलाइनबाट साथीको पोष्ट

E-swoor Voojeel 

विहानीको चिसो मौसम निद्रा भर्खर
खुलेको थियो घडि हेरे विहानको ५ बजेको रहेछ
। विहान उठेर थेसिस क्लासमा जानु थियो।
माबाईलको घण्टि बज्यो यसो हेरे
फोन विनोदको थियो ईश्वर हामी घुम्न जाने
भनेका थियौ नि ?
अँ मैले भने,

हो तिमले भनेको ठाउँमा नै जाने निर्णय
गरेका छौ र अनि सुन त ?
अँ भन न मैले भने
चैत्र सेकेण्ड वीक जाने निर्णय भएको र
यसको लागि अफिसमा विदा पनि लिईसकेको जनायो,,र
उस्ले बाँकि कुरा आज कलेजमा नै भेटेर भन्छु
भन्यो र फोन काटिदियो
म अन्यौलमा परे .....
साथीहरुले सिन्धुली होईन बरु मनकामना,
चिसापानी अन्त कतै जाउँ न भन्ने प्रस्ताब
गरेका थिए
मेरै लिडे ढिपिका कारण उनीहरु सिन्धुली जाने
निर्णमा पुगेका थिए ।
मेरो सोच थियो सिन्धुली जाउँला र
महिनौ देखि भेट्न नपाएको आपनो प्रेमिकालाइ
पनि भेट गरौला....
उता सरकारी सेवामा कार्यरत हाम्रा आत्मीय
मित्र सबिन
सिन्धुलीको रानीबासमा पर्खिरहेको छ
भन्दै थियो आओ न यार तिमिहरुको लागि म
दूईदिनको बिदा लिउँला र घुमौला भनिराको छ
तर आज म आफै सिन्धुली नगइ अन्त जान पाए
पनि हुन्थ्यो भन्ने सोच आएको छ
उता सिन्धुलीमा रहेकि प्रेमिका बर्षा सँग प्रेम
टुटेको पनि बरिब एक हप्ता भई सकेको थियो
प्रेममा परेको कुरा सबिनलाई बाहेक अरुलाई
भनेको पनि थिईन अरु सबै साथीहरुलाई सरप्राईज
दिउँला भन्ने सोच बनाएर नै सिन्धुली घुम्न जाने
योजना बनाएको थिए ।
तर यि सब अब बेकार छ एक
हप्ता भो उनी सँगको सम्पर्क विच्छेद भएको.......
सयौ पटक फोन गरे म्यासेज पठाएँ तर
एउटा पनि रिप्लाई भएन हजार कोशिश
गर्दा पनि.... खासै
केहि गल्ति पनि गरको जस्तो लाग्दैन
बिना कारण किन उनी म बाट टाढा हुन
चाहिन... मैले केहि बुझन सकिन......
तर पनि केहि छैन मेरो साथी सबिनलाई
भेटनको लागि भए पनि मैले साथीहरु संग जाने
निर्णय गरे ।
उ संग भेट नभाको पनि एक barsha भै
सकेको थियो । हाम्रो भेट
नारायणहिटि दरबारमा भएको थियो ।
जुन समय उ दौडिरहेको थियो असिन पसिन
अनुहार बोकेर.......
तर एउटै कुरा मनमा अड्किरह्यो
उनी टाढिनुको कारण के हो ?
बिना उत्तर म धेरै बेर रुमल्लीरहे
यसो घडि हेरे विहानको ७ बजिसकेछ
ला आजको मेरो थेसिस क्लास म झसंग भए...।

प्यारी रिसाएपछि

"प्यारी रिसाएपछि" (छन्द:- शार्दूलवीक्रीडित)

कालो बादल अँठ्ठियो मनभरी आकाश नीलो तर ।
मै आफू पनि बन्न सक्छु कसरी - आफै मभन्दा पर ??
मानौँ ढाक्दछ राहुले गगनमा सौर्न्दर्य छर्ने शशि ।
खै के को तुलना गरोस् र कविले प्यारी रिसाएपछि ।।

घुर्कीयुक्त कटाक्ष हान्छ उनको म्यासेजमा स्माइली ।
धन्यै हो प्रविधी छ मख्ख दुनियाँ संजालसंगै भुली ।।
यो सोझो किन अल्झियो प्रणयमा सोच्दैछु टुप्पी कसी ।
चिन्ता एक उपाय के छ अबको प्यारी रिसाएपछि ।।

को होला घरमा कदापि प्रियसी झर्कन्न भन्नेहरु ?
ज्ञानी छिन् सब बुझ्दछिन् रिस सधै अव्यक्त राख्छिन् बरु ।।
यो नारी अधिकार हो प्रकृतिको चुट्दैन जस्को रसी ।
के के को उपमा दिऊँ म विचरा प्यारी रिसाएपछि ।।
😂😃😂

भक्तपुर, २०७५ आश्विन

प्यारो रारा

प्यारो रारा (छन्द: शार्दूलवीक्रीडित)

ओडी च्यादर मेघको हिमचुली मुस्काउँछन् हर्षले ।
चोखो दिव्य अनन्त बैँस यसको फेरिन्न खै वर्षले ।।
हेरी सुन्दर छाल स्वच्छ जलको थाक्दैन आँखा कतै ।
टुक्रा हो कि प्रफुल्ल स्वर्गपुरको प्यारो छ रारा सधै ।।

मुर्मा शैल छ श्वेत टम्म हिउँले मीठो छ हावा अहा ।
डाँफे कालिज कस्तुरी मृगहरू उन्मत्त प्रमत्तका ।।
यो स्वर्गीय छटा अहो घनघटा बिर्सेर बिर्सिन्न है ।
ताजा भाव उनेर बन्छ कविता प्यारो छ रारा सधै ।।

ताल्चा स्वागत गर्छ हर्षित हुँदै सम्झ्यौ मलाई भनी ।
हाँसेकी छ पुछारमा गमगढी प्रफुल्ल जैले पनि ।।
धर्तीकी नव-वेहुली छ रसिली सौन्दर्य फैलाउँदै ।
त्यैं सौर्न्दर्य टिपेर छन्द भरियो प्यारो छ रारा सधै ।।

वाशन्ती मधुमास झैं हरघडी माधूर्यमा लिप्त यो ।
धेरैपल्ट पुगेँ पुगूँ अझ सधै यैं चाह - यैं घिट्किसो ।।
छाप्री मन्दिरले सुसेल्छ मुरली ती छाल नाच्छन् जसै।
त्यो खत्याड बगेछ स्नेह झरना प्यारो छ रारा सधै ।।

रारा ताल, मुगु - २०७४

GAZAL

Embracing full-moon night startles me.

Vivid and effulgent light startles me.

"Promoting peace and harmony" they said,

Practically blood and fight startles me.

Public as almighty : So called New Nepal,

Everywhere "seized our rights" startles me.

Feudals are in power, in a form or other !

Forswearing high levels' sight startles me.

"All are equal legally" so sweet to say.

But leaders' absolute might startles me.