शब्द कोरेँ ~ कविता बनेछ

कल्पनाका अनगिन्ती छटाहरुमा बिलीनहुदै,

सम्झनाका अविरल छालहरुमा तरंगित बन्दा

भावुक मनमा यौटा भावना जुरिहाल्यो , शब्द सामिप्यताको नया बहार फुरिहाल्यो

 अनि म शब्द कोरेँ ~ कविता बनेछ ।१।

स्वार्थको साघुरो जमिनबाट माथि उठेर निल आकाशको मीठास लिने चखेवा जोडीले

निस्फिक्री मनले प्रक्रितीको मज्जा लिन 

मलाई भनिरहेका होलान् तर,म शब्द शब्दमा हराएँ 

अनि म शब्द कोरेँ ~ कविता बनेछ ।२।

तरुनी महिलाको पेट र पिठ्युँको समस्या,

पेट नबढोस् भन्ने चाहना तर बाद्यता ,,

रिक्सा चालकले हवाइजहाजमाथि लगाएको द्रिष्टि र ज्यामीको खोक्रो पेट

अनायासै मनमा आए,

अनि म शब्द कोरेँ ~कविता बनेछ ।३।

अर्धनग्न महिलाले घाइते कुकुरलाई प्याच्च थुक्दैरुमालले नाक थुनेर हिड्दा 

सडक पेटीको लङ्गडो मान्छे दुई हात जोडी यात्रुहरु गनिरहेको छ , 

जवान युवक मस्त आइपड सुन्दै हिडेको देखेँ ,,

अनि म शब्द कोरेँ ~ कविता बनेछ ।४।

सबिन प्रभात , २०६५-१-१२ , काठमाण्डौ