अंगालिएको जुनेली रात भुल्यौ कि साँच्चै भुले झै गरेकी !
प्रेम नशाको बेहोशी मात भुल्यौ कि साँच्चै भुले झै गरेकी !!
कुरै कुरामा बिताएर रात नछुटोस भन्दै प्यारो यो साथ ,
आँशूमय साह्रै भाथ्यो प्रभात भुल्यौ कि साँच्चै भुले झै गरेकी !!
खस्दै गरेका तारा देखाई दुई मुटुभित्र नाम लेखाई ,
थामिरहन्छु भन्ने यो हात भुल्यौ कि साँच्चै भुले झै गरेकी !!
संगै भिजेथ्यौँ झरी बर्षिदामा मुटुमा छ भन्थ्यौ मेरै नाम ,
“मर्छु म राजा तिमी बिना त” भुल्यौ कि साँच्चै भुले झै गरेकी !!
हैन नि काली घात गरेको, थिएँ म बाद्यतामा परेको ,
टाढा हुँदैमा बर्ष छ सात भुल्यौ कि साँच्चै भुले झै गरेकी !!
