गजल

गजल

उर्ल्यो खस्यो समुद्रको छाल जस्तो भयो माया ।

पग्लिएको मन जम्यो ताल जस्तो भयो माया ।।

Rara Lake

कहाँ आउने कहाँ जाने पत्तै हुन्न पिरतिमा,

हेर्दाहेर्दै भूकम्पको चाल जस्तो भयो माया ।। 

पुग्दैन रे समय र साथ अनि पैसा पनि,

नढाँटेर भन्दा अनिकाल जस्तो भयो माया ।।

विश्वास हो सबै तर शंका लाग्छ कहिलेकाँही,

कतै कालो मिसिएको दाल जस्तो भयो माया ।।

थाहा छैन कहाँनेर जेलिने हो जिन्दगी यो, 

अल्झाउने माकुराको जाल जस्तो भयो माया ।। 

धैर्यता र संयमताको बाँध टुट्न थाल्छ जब,

खायो अनि त्यही चुठ्यो थाल जस्तो भयो माया ।।

रारा ताल मुगू २०७२/०७/२३