गजल

गजल

मन भन्छ तिमीलाई मुटुभित्र हुलिहालुँ ।

तिमीसंगै रमाएर दुनिया यो भुलिहालुँ ।

अस्तव्यस्त जिन्दगिको जंघारमा अल्झेको म,

तिम्रो हात समाएर टाढा कतै डुलिहालुँ ।

अनुपम बहारिलो शौन्दर्यको छहारिमा,

शरदको धानजस्तै लहलह झुलिहालुँ ।

कति गाँठो पार्छौ सानु जवानीका रंगहरु,

लाग्दैन र तिमीलाई क्वैसंग त खुलिहालुँ ।

ओइलिई झर्नुपर्ने जिन्दगि त हुदैहो नि,

था नहुदा कोपिलाले भन्छ होला फूलिहालुँ ।

2070/08/17 रानिबास सिन्धुली