गजल
काकासंग माली गाई चराएको
संझेँ आज ।
गाईको बाच्छो बनभित्रै
हराएको संझेँ आज ।
बर्तमान बिर्सिएर अतीतमा
रम्दाखेरी,
गाई हरायो हामी दुवै
डराएको सम्झेँ आज ।
हाम्रो गाई अरुको नै
खर्बारीमा गयो भनी,
काकाले खुब् इल्लबिल्ल
गराएको सम्झेँ आज ।
काम जती मैले गर्ने
काका साह्रै अल्छि सधैं,
गाई फर्का जा त भनी
अराएको सम्झेँ आज ।
गाई टाढा देखेपछी फर्काउन
जादैगर्दा,
नजिकै त्यही बाघ कराएको
सम्झेँ आज ।
३० जेठ २०६३, बलेटक्सार
गुल्मी
