कविता

"आएर मागौँ कि म"

तिम्रा पाउजु झन्किए हृदयको झङ्कार मेरै लिई ।
तिम्रा गाजलु नेत्रबाट सपना देखेँ स्वयं बिर्सिई ।।
यो मेरो मन दौडियो वरिपरी छायाँ म रातोदिन ।
दोबाटो अब ढुक्नु छैन घरमा आएर मागौँ कि म ।।

तिम्रा हात समाउदै अघि बढूँ गन्तव्य यौटै गरी ।
थुम्का लेक सँगै चढेर कहिले मैदान बेशी झरी ।।
त्यैं काली तटमा रमेर गहिरो माया दिऊँ झाँगिन ।
दोबाटो अब ढुक्नु छैन घरमा आएर मागौँ कि म ।।

छन्द :- "शार्दूलवीक्रीडित"
क्रमश...