मन नरम भयो भने हुरीले नि डराइदिन्छ ।
कहिलेकाहीँ उसको चुरिफुरीले नि डराइदिन्छ ।।
धेरै टाढा होइन तर पहाड थियो हामीबीच,
जब बढ्न थाल्छ छोटो दुरीले नि डराइदिन्छ ।
विश्वासका बोलीहरु घात बने कयौंचोटि,
कशमका शब्दरुपी छुरीले नि डराइदिन्छ ।
सम्बन्धको धरातल कमजोर बन्छ जब,
किनकिन आफ्नै घरको धुरीले नि डराइदिन्छ ।
मुटु छेड्ने माया "राधा" रहर कि वाद्यता हो ?
नबजाऊ न कृष्ण त्यो बाँसुरीले नि डराइदिन्छ ।।
No comments:
Post a Comment