गजल

गजल


हल्लाएर दुबै हात बिदा दियो काठमाण्डौले !
नबस् भन्दै एकै रात बिदा दियो काठमाण्डौले !!


खल्ती बाक्लो हुदासम्म सारै माया गरेको हो,
रित्तिएसि हान्दै लात बिदा दियो  काठमाण्डौले !!


पढाउन्न  एकता र  भात्रित्वको पाठ कतै ,
छुट्याएर आफ्नो जात बिदा दियो काठमाण्डौले !!

काठमाण्डौ (Ktm)

रक्सीसङ्ग नाङ्गिएका डान्सबार क्यासिनोमा,
चढ्दै गएपछि मात बिदा दियो काठमाण्डौले !!


आकांक्षा र इच्छाहरु सङ्घर्षमा खोज्नेलाई ,
आशा देखाई गर्दै घात बिदा दियो काठमाण्डौले !!



सबिन प्रभात , २०६७- कलङ्की, काठमाण्डौ

हाइकु

हाइकु

चेहेरा चिल्लो, 

आँखाभरी गाजल , 

मनमा स्वार्थ !! 

पेटमा हावा , 

सुस्केराको सुइय्य, 

ज्यामीको दिन !!

ठिटाका आँखा,

बाउ आमालाई चिन्ता,

हुर्केका छोरी !!

बुझ्न चाहन्छौ?

रोएर एकचोटि , 

आँशु के हो !!

अध्यारो द्रिष्टि , 

अन्धकार संसार , 

उदास मन !!

गजल

गजल

सबै उर्लिएछन् सुकेको म लम्फु !
सबैले मलाई थुकेको म लम्फु!!

म भारी छु धर्ती छ यो जन्म ब्यर्थै,
बिना काम जन्मी चुकेको म लम्फु !!

छु बोका बलीको म काटिन्छु आजै ,
शिरै काट्न आफ्नै झुकेको म लम्फु !!

सबै तन्त्र को याँ विरोधी म एक्लो ,
भुसाहा कुकुर् झै भुकेको म लम्फु !

नयातन्त्रले झन् बढायो अभाव,
अगन्तव्यमा नै रुकेको म लम्फु !!


बलेटक्सार ,गुल्मी २०६५

मुक्तक

मुक्तक 

तिम्ले भन्यौ हाँसिदिएँ पिरब्यथा लुकाएर !

साँवा ब्याज जिन्दगिको मुल्य सारा चुकाएर !

आजसम्म चलिराको जिवनलाई फर्की हेरेँ,

दुईदिने जवानीका  झन्टाबाधा  फुकाएर !

फूल जस्तै जिन्दगिको इच्छासारा टुटाइदियौ ,

ए उटा ठूलो जाल रची आजसम्म ढुकाएर !

बलेटक्सार गुल्मी, २०६३-०६-०९

निर्मल अंकलको डायरीबाट

निर्मल अंकलको डायरीबाट
‎
(आज भन्दा २० बर्ष अघीको डाइरीबाट )


मिती २०४८ साल कार्तिक ९ गते 


कमला दिदिको Inter Level को फर्म भर्न बुटवल जादाको खर्च विवरण :


बुवाले दिनु भएको जम्मा रु ४०० 

निर्मल अंकल

खर्च :


१) जोर्ते दिउस नास्ता चिया र पाउरोटी - रु ३ 


२) पाल्पा चिया खर्च - रु २

३) बुटवल साझ साधा खान - रु 15

४) १० गते बिहान साधा खाना - रु १५

५) 'युग देखी युगसम्म' फिल्म हेरेको बाल्कोनी टिकट - रु 10

६) बुटवल दिउस नास्ता - रु ५

७) १० गते साझ दहिसँग खाना - रु २०

जम्मा खर्च - रु ७०

बाँकी रहेको - रु ३३०